• የመስቃን ብዙሃን መገናኛ አውታረ መረብ

"የመስቃን በጎ አድራጎት ድርጅት ለተፈናቃዮቹ አለኝታነቱን አሳየ"

Updated: May 23


መስቃን በጎ አድራጎት ድርጅት በመስቃን ማህበረሰብ ላይ ለሚደርስ የተፈጥሮም ሆነ ሰው ሰራሽ ችግር “ተረዳድተን ይህንን ጊዜ እንሻገራለን” የሚል አላማ አንግቦ የተነሳ እና የተመሰረተ የበጎ አድራጎነት ድርጅት ነው። በተጨማሪም በተለያዩ ጊዜያት በመስቃን ማህበረሰብ ላይ በሚደርሱ ችግሮች በአንድ ላይ በመሆን ማህበረሰቡን ከችግር ለመታደግ እና ማህበረሰቡን ወደ ላቀ ደረጃ ለማሸጋገር ታስቦ የተመሰረተ ድርጅት ነው።

ድርጅቱ በጣም ዘርፈ ብዙ እና ሰፊ እቅድ አንግቦ ቢነሳም በተለያያ ጊዜያት በሚገጥሙት የውስጥ ችግሮች አባላትን የማፍራት እና ግንዛቤ የመፍጠር ስራ ሲሰራ ቆይቷል። ይሁንና የመስቃን በጎ አድራጎት ድርጅት በአዲስ መልኩ መዋቅሩን በመዘርጋት ወደ ስራ የገባ ሲሆን በዚሁ አጭር ጊዜ ውስጥ የቡታጅራና አካባቢዋ ማህበረሰብ በማስተባበር በምስራቅ መስቃን ወረዳ ተፈናቅለው በእንሴኖ ከተማ በጊዜያዊ መጠለያ ለሚገኙት የመስቃን ቤተ ጉራጌ ህዝቦችን ለማስታወስ ባደረገው የውስን ቀን እንቅስቃሴ እጅ የያዘውን ለስራ አስፈፃሚዎች በመስጠት እና የረመዳን ወር መጨረሻ ቀንን ምክንያት በማድረግ ግምቱ 24,000 (ሃያ አራት ሺ) ብር የሆነ 1000 (አንድ ሺ) ኪሎ ግራም የዳቦ ዱቄት በመግዛት ለአንድ መቶ አባወራዎች የኢድ አለፈጥር በዓልን ወይም የረመዳን ፆም መፍቻን ታሳቢ በማድረግ የምስራቅ መስቃን ወረዳ አስተዳደር ፅ/ቤት እንሴኖ ከተማ ድረስ በመሄድ ከወረዳ አስተዳደር ተገናኝተዋል። የወረዳው አስተዳደር አቶ አህመዲን ደድገባም በቦታው ለተገኙ የበጎ አድራጎት ደርጅት ተወካዮች እስካሁን ያጋጠማቸው እና ከዚህም በኋላ ሊገጥማቸው የሚችለውን ተግዳሮቶች ለተወካዮቹ በዝርዝር አስረድተዋል። በመቀጠልም ለተፈናቃዮች የመኖሪያ ቤት ችግር ለመፍታት ከጉራጌ ዞን አመራሮች ጋር በመነጋገር በአንድ ሰፊ በሆነ ቦታ ላይ ለ81 አባወራዎች የሚሆን ሰፈር ለመገንባት ወደ 6,000 ሺህ የሚሆን ቋሚ የግድግዳ እንጨት ማዘጋጀታቸውን ተናግረዋል። የወረዳው አስተዳደሩ የመስቃን በጎ አድራጎት ድርጅት ያደረገውን እርዳታ በምስራቅ መስቃን ተፈናቃዮች ስም ላቅ ያለ ምስጋና አቅርበዋል።

በስተመጨረሻም የእርዳታው ቁስ በመያዝ ወደ የአደጋ ስጋት መከላከል መጋዘን በማምራት የቡታጅራ አካባቢ ቅ/ፅ ቤት የኮሚቴዎች ሰብሳቢ የሆኑት በአቶ ፋንታዬ አለማየሁ እጅ ለምስራቅ መስቃን ወረዳ አስተዳደር የተከበሩ አቶ አህመዲን ደድገባ አስረክበዋል። የመስቃን የበጎ አድራጎት ድርጅት በቆመለት አላማ ዙሪያ በአካባቢው በሚድርጉ እንቅስቃሴዎች ወደፊትም የበኩሉን ድርሻ እንደሚወጣ ቃል በመግባት ልዑካን ቡድኑ ወደ መጣበት ተመልሷል፡፡

በሌላ ስራ እስክንገናኝ ቸር ይግጠመን

በሻኪር አህመድ

MMN ቡታጅራ

198 views

Copyright © 2018 Meskan Media Network - All Rights Reserved. E-mail : meskanmedia@gmail.com

  • YouTube - White Circle
  • White Spotify Icon
  • White Apple Music Icon
  • White Amazon Icon
  • White Facebook Icon
  • Twitter Clean