• የመስቃን ብዙሃን መገናኛ አውታረ መረብ

የመጀመሪያ፣ የመሀል፣ የመጨረሻና የብቸኛ ልጅ ስነልቦና – ዶ/ር ዮናስ ላቀው


የመጀመሪያ፣ የመሀል፣ የመጨረሻና የብቸኛ ልጅ

የተወለድንበት ቅደም ተከተል ከሌሎች አካባባያዊ፣ ቤተሰባዊ እና ስነ ህይወታዊ ሁኔታዎች ጋር በመደመር ስናድግ የሚኖረንን ስብእና ይወስነዋል፡፡ የተወለድንበት ቅደም ተከተል በልጅነት የወላጆችን ትኩረትና ይሁንታ ለማግኘት የምንወስዳቸውን እርምጃዎች ስለሚወስኑ በእድሜ ከፍ ስንል የሚኖረን ሚና ላይ ትልቅ ተፅዕኖ ያሳድራል፡፡


የመጀመሪያ ልጅ፦ የመጀመሪያ ልጆች በወላጆች ከፍተኛ ጥንቃቄ ይደረግላቸዋል፡፡ በዚህ ምክኒያት ሲያድጉ ስኬታማ ለመሆን የሚጣጣሩ ሀላፊነት የሚሰማቸውና ብዙ ጊዜ የመሪነት ሚና የሚኖራቸው ይሆናሉ፡፡ በተጨማሪም በልጅነት ታናናሾቻቸውን ለማስረዳትና ለ’ማስተማር’ ስለሚሞክሩ ጥሩ የቋንቋ ችሎታ ይኖራቸዋል፡፡


መሀከለኛ ልጅ፦

ወላጆች ከመጀመሪያ ልጅ በኃላ ልጅ ማሳደግ ላይ የተሻለ ልምድ ስለሚኖራቸው ‘ለቀቅ’ ይላሉ፡፡ ይሁን እንጂ የመሀል ልጆች እንደመጨረሻ ልጅ እንደፈለጉት እንዲሆኑ አይፈቀድላቸውም፡፡ የመሀል ልጆች የወላጆችን ትኩረት ለማግኘት በተመሳሳይ ነገር ከታላቃቸው ጋር መወዳደር ስለማያመቻቸው ዝንባሌያቸውና ችሎታቸው ከታላቃቸው የተለየ ይሆናል፡፡ ከፍ ሲሉ ከበላዮቻቸውም ከበታቾቻውም ተስማምቶ መስራት የሚችሉ ጥሩ የመደራደር ችሎታ ያላቸው ይሆናሉ፡፡ በተጨማሪም የራሳቸው ጠንካራ አቋም ይኖራቸዋል፡፡በዚህም ምክኒያት አልፎአልፎ ከቤተሰባቸው አፈንግጠው የራሳቸው መንገድ ሊከተሉ ይችላሉ፡፡


የመጨረሻ ልጅ፦

የመጨረሻ ልጆች በብዛት ተጫዋች፣ የመግባባት ችሎታ ያላቸውና ተወዳጅ ናቸው፡፡ ትኩረት ለመሳብ ያልተለመዱ ነገሮች የሚያደርጉ ሲሆን አንዳንዴ ‘ቀበጥ’ የማለት አዝማሚያ ሊታይባቸው ይችላል፡፡ መንስኤው የተለያየ ቢሆንም ብዙ ጊዜ ከመጀመሪያ ልጅ ጋር የሚጋሯቸው ብዙ ባህሪዎች ይኖራቸዋል፡፡


ብቸኛ ልጅ፦

ብቸኛ ልጆች በትልልቅ ሰዎች ተከበው ስለሚያድጉ በራስ መተማመንና ብስለት ይታይባቸዋል፡፡ በተጨማሪም ከሌሎች ሰዎች ለመግባባትም ሆነ ለመፎካከር ጥረት አያደርጉም፡፡ ሁሉንም ልጆች የየግል ችሎታቸውና ዝንባሌያቸውን በመለየት እና እንዲያጎለብቱት በማድረግ ማሳደግ ተመራጭ ነው፡፡


“የመጀመሪያ ልጅ ከሆንክ በቀጥታ ምክትል ወላጅ እንደሆንክ እወቅ።” ያልታወቀ


መልካም ጊዜ!

ምንጭ - getutemesgen24.com

22 views

Copyright © 2018 Meskan Media Network - All Rights Reserved. E-mail : meskanmedia@gmail.com

  • YouTube - White Circle
  • White Spotify Icon
  • White Apple Music Icon
  • White Amazon Icon
  • White Facebook Icon
  • Twitter Clean