ጥርመቸ የራዘን (በአወል አህመዲን)

ሀሮት የደላወ ዝሌል የሰኴወ

ተቡልቦሁ ጭየም ጨኘት ቲከታወ

ጉርዝም ያትራራዘን ኢንዣር የስማተወ

ሴራ ተቌበረም መንተሁ ያዞበወ

መገን ቲያክታትፉ አቧችም ናቀው

ቅብም ቢያሰጭን ጊየሁ ደረገወ

ጭሰኘሁ ቴሟልል ኡርቦ ሰፈረወ

ጡረሁ ቢያቴድር ጓቸም ባንዛየወ

ወፈንቸሁ ቲድረድር ጎሜ ቲዛገግወ

አፈር ቲቡሪ ሰሜ አቅለሁ ናወለወ

በዱርዙዝ ቡትኪየ አንገት ቢዝገዝግወ

ጤበን ቢያሰጭን ጃለሁ አቻፋወ

በርቼ ፈግር ቤተሁ ዛኛት ቲትቋመድወ

ንሽም ተላኋንም ቋኘም ቲዘራወ

ጥርመቸ ራዘንም አያን ቲዶግስወ

ጡፋሁ ቴሸፏንም ግሳት ኤለቀወ

በክናን ተስተስታ ሪጃ ቲጎልበው

ወዝገብ አጌረደም ጉርማ ቲናፍልወ

ማጋለሁ ቴነባም ውሻል ቴዌሽልወ

በቁመን ጌሬሬ ቀብረውታን ጪየወ

ዘበን የትላኋኔ አቅለሁ ቲጠቅንወ

ሞት ይቡሪ ጭዛ ሰደደም ሰላወ

(በአወል አህመዲን)