• የመስቃን ብዙሃን መገናኛ አውታረ መረብ

ምቀኝነት – በዶ/ር ዮናስ ላቀው የአእምሮ ህክምና ስፔሻሊስት



"ምቀኝነት አንድ ሰው እንዲኖረው የሚፈልገውን ችሎታ፣ ስኬት፣ ንብረት…ወዘተ ሌላ ሰው ሲኖረው የሚፈጠር ስሜት ሲሆን መሰረታዊ ከሆኑት ስሜቶቾ አንጻር ሲታይ የንዴትና የሀዘን ድብልቅ ነው"፡፡ሌላ ሰው የተሻለ ነገር ሲሰራ ወይም ሲኖረው ሁለት አይነት ስሜት ሊፈጥር ይችላል፡፡ አድናቆት ወይም ምቀኝነት፡፡ አድናቆት የሌላውን መሻል በትህትና መቀበል ሲሆን፤ ምቀኝነት በንዴት ላለመቀበል መሞከር ነው፡፡

ማን ማንን ይመቀኛል?

ሰዎች የሚመቀኙት ከእነሱ ጋር ተቀራራቢ ደረጃ ላይ ያሉ ሰዎችን ነው፡፡ ጓደኛ፣ ጎረቤት፣ የስራ ባልደረባ …ወዘተ፡፡ ጫማህን የሚጠርገው ሊስትሮ አንተ የተሻለ ኑሮ ስራ ስላለህ ምቀኝነት አይሰማውም፡፡

ይልቁንም አጠገቡ ያለ ሌላ ሊስትሮ የተሻለ ገንዘብ ሲያገኝ ነው ምቀኝነት የሚሰማው፡፡ ጎረቤትህ የተሻለ ቤት ስትሰራ ምቀኝነት ይሰማው ይሆናል እንጂ አላሙዲን አዲስ ህንፃ ቢሰራ ምንም ስሜት አይፈጥርበትም፡፡ በአጠቃላይ ምቀኛ ከሩቅ አይመጣም፡፡

ምቀኝነት ወይስ ቅናት?

አንዳንድ ሰዎች ሁለቱን ሲያቀያይሩ ይስተዋላል፡፡ ነገር ግን የተለያዩ ስሜቶች ናቸው፡፡

ቅናት ቦታ የምንሰጠው ነገር እንዳይወሰድብን ስንፈራ የሚፈጠር ስሜት ሲሆን እንዳይወሰድ የምንፈልገውን ነገር ለመጠበቅ ጥረት እንድናደርግ የሚገፋፋ ነው፡፡

በፍቅር ግንኙነት ውስጥ ሲፈጠር ሰዎች ረጅም (አንዳንድ ጊዜ ከልክ ያለፈ) ርቀት እንዲሄዱ ያደርጋል፡፡

ምቀኝነት የሚፈጠረው አንድ ሰው ቢኖረው የሚመኘውን (ነገር ግን የሌለውን) ሌላ ሰው ሲኖረው የሚፈጠር ሲሆን ልዩነቱን ለማጥበብ ሌላውን ካለበት ለማውረድ ወይም ራስን ከፍ ለማድረግ እንዲጣጣር ይገፋፋል፡፡

“አላውቃትም እንዴ እንዴት እንደነበረች…” “እኔ ገንዘብ ሰጥቼው አይደል ስራ የጀመረው፡፡” የመሳሰሉት

የምቀኝነት ስሜትን እንዴት መከላከል ይቻላል?

የሰው ልጅ ማህበራዊ በመሆኑ የትኛውም ደረጃ ላይ ቢኖር ራሱን ከሌሎች ጋር ማነጻጻሩ አይቀርም፡፡

ይህም መጠኑ ቢለያይም የምቀኝነት ስሜት ሊፈጥር ይችላል፡፡ የምቀኝነት ስሜት ከባድ ሰነልቦናዊ ህመም ይፈጥራል፡፡ ሁሉም ሰው የየራሱ ስኬት የየራሱ ውጣውረድ ውስጥ እንጀሚያልፍ መረዳት የምቀኝነት ስሜትን ይቀንሰዋል፡፡

ፌስ ቡክ ላይ ከፍቅረኛዋ ጋር ስትዝናና ፓስት ታድርግ እንጂ ከዛ በፊት ለሁለት ቀናት የተኳረፉትን ፓስት አላደረገች ይሆናል፡፡

ስለደረሰበት ትልቅ ደረጃ ሲነግረን ስራ ላይ ሲያተኩር ከቤተሰቡ ጋር ብዙ ጊዜ እንደማያሳልፍ አልነገረን ይሆናል፡፡

የምቀኝነት ስሜትን ሌላውን ዝቅ ለማድረግ ከማዋል እራስን ለማሻሻል መጠቀም ይቻላል፡፡

አንድ ሰው ሲመቀኘን ከሱ በየሆነ ነገር የተሻልን እንደሆንን እንደሚያስብ ማስታወስ ጥሩ ነው፡፡

ምንጭ - ከጌጡ ተመስገን ድረ ገ


0 views

Copyright © 2018 Meskan Media Network - All Rights Reserved. E-mail : meskanmedia@gmail.com

  • YouTube - White Circle
  • White Spotify Icon
  • White Apple Music Icon
  • White Amazon Icon
  • White Facebook Icon
  • Twitter Clean