መስቆ ጉኒ ያኸ መስቆ ተኸበደ
አያናኸ ወደል በሰሜ የወረደ
ሽምማኸ ወደል ጉራከነ ያትረደ
አኸ ያጠፋዬ ባኸ ፚር ያገደ
ኧስፈለ ሳፊሊን ተተፚን ወረደ
ባረብ ነሳም ዚዬ ባረብ ነሳም ህንድ፣
ተስራጨም ሽማኸ ዚ ሟንም ኤከድ፣
ሟንም ቢያጓራ ሟንም ቢፎክር
ጭጭሳኸ ቴቀርብ ጊናት ይᎇሪቃር፣
ኌትጌ ወኳዂን የሚኒሊክ ጦር
በዛ አያናኸ ባነናኸ ጡር
አኸ ያጠፚዬ ባኸ ቢትሟኯሪ
አረጦም ቢነሶም ሻቃና ተፈሪ
አፍቶና አልቡላ ምስ ምሽት ቴᎇ ሪ
ስድስከነ እንም አንቐ ቴዠᎇሪ ባነደደን እሳት ዠᎅርም ፙጘሪ
መስቆ ያኸቃር ኤተውታን የንሸም ኤተውታን የግፉሪ
ታሪካኸ ብዠው ቾነም ቢዝረዝሪ፣
ብዠ በቅል ዓመት የነበረ ሽም
አትምቃር ኤᎇየወ ኤጠሪም ኮሽም፣
ኮሽሚ በሽቦ ሽቦ በኮንክሪት
ቲዬድስኸው ያነ የጨኘዂን ተበት፣
ገኘኛ የባረ የዘበኒ ወጣት
ወርቅ ቀባናኸም ሽማኸ ኔሻግት፣
በነን ትᎅተᎇም ተተፚን ያቸኒ
ሽማኸ የዋጥፋ ብር ቢᎆትኒ
በጎራም በገዋ ዘንጋ ቢዌጥኒ
ወካኸም ዠበርዂን ቴወጣ ስሙኒ።
መሶ ቢሸፍጥኸ የገኘሁ ቲብር
ኧርባት ክናን ቢሮጥ ቢቤትንም ብር
በውቲ አስተሳሰብ ሀቅም ይነᎇር
ወገን የዋትደስት ሌላውታን ወቅጥር፣
በዚ ስልጡን ዘበን አኳም ይነብር፣
የገኘሁ ባረማ ብዠም ኤትነወር፣
ስርም ያትጌረመ ማል ቀመጥ ያትበኘ
ትኸዪ ቀᎅሪም ግሰሲ ተጨኘ
በግምብ ኤጠርም የቁሬ በዘበኘ
ሽማኸ ያፈርሴ ብንም አዘር ቸኘ
የዚኸም አተላ አንጎል የራቀኖ
አኸ ያጠፎዬ ምስ ምስ የኸኖ
የቅረር ሎጀኖ አርዋ የቤተኖ
ነሟ ዘር ወጣኖ አኸ ያዠኸኖ
አያናኸ የቅጭም ኤናኸ የብራኖ።
የፌቅ ውትኘኸም የትቅበዘበዘ
ኧርባት አትም ቴያዥ ክናን የብረዘዘ፣
ጥቁር ኢፍት አተዞይ ዘላለም ይፈዘ።
ታወ ኤኸን ትትቡን ዛንም ዘበን
ኤበሁ ባረናኸ ስልጣን ታወሟን፣
የኸለቆይ ጣጣ ያነደዶይ እሳት
ውስኸም ነሳንም ባሊቅ ምሽት ወጣት፣
ወጣም ኤረረኖ ነኔ ቢብሮይ ዳገት።
አኸ ያጠፎዬ መሶና የኸኖ፣
ሁያ ሰበት ዘበን ጭጭ ትትብኖ፣
ዬሰቦዪ ይሳካ ኢንም መሰረኖ።
መስቃን ኤንቀፈኖም በመስቃን የትነሶ፣
ባንሳብ በምዌና ጩቤ የመሰሶ
ተሩቂ ደህዴን ደርስ የደረሶ፣
ተጀርመኒ ቸካኝ ተሒትለርም ይብሶ።
ሒትለር ይᎇሪ ምስ ዘረሁ አንለገደ፣
አይሁዱ የፈጀ አይሁዱ ያገደ
የወርቂ ካባኸ ፉርኸም የገደደ
ወርቂ በጋ ፏኸም ያነደደ አመደ፣
ዶቢ ቱኩሴኸም ጅስማኸ ያነደደ
በቀለብኸም ግሰስ ደነሁ የወደደ፣
ዚንም የዠበርኸ ዚንም ያበደ
መስቆ ጉኒ ያኸ መስቆ ተኸበደ
በሁሴን መሃመድ