ኧኋሽ ይና መላ ይጠቅል ምቃሩ
በሰማ ያንሰማ አቸለፈም ያሩ
ዝሙ ቅረር ገባት ክናን ቴቡሪ ምሳር
የመስቃን ይለፎ ዴንጋ የገኝ ሙጥር
ግሬዲም ቲጣራ በርቶ አብሽር ቲብረማ
አርዴ ተገደረም በሰማ አንሰማ
ኧርጅ ኤነነ ወይ ያቦቸና ኸማ
ይሰለማው ዝሙ ያነሁ ቤት አዘር
ዝም ምካት ትታዞ ኤኸን ወይ ወገደር ።
ቃለና አጠፏም ርስተና ፈረሞም
ያጠፎነ በዞም በጉራም በከነም
ፋፍም ኤነብር ኸም ይመራ የገኝ አውራ
ቅንፏም ቲያድጒይ ቲይቡሪ አትምራ
ጪጭ ወበረና ኸነም የሰብ ውራ ።
አኋ ኤያሰላ የምን እንቁስ ይቡሪ
ባለፈይ ምካት ዝጌ ባንትሟሪ
ታቦ ተዘበሮ ኔሁ የትሟከሪ።
ጨኘትሚ ኤጥፋ ናቁምኔ ሴራና
ወትብታተን ያሰላ ኔሁ የሁኒ ቁና
እንዴ ንትዋደድነ የሰበር መሶና።
ጎቤ ከድር ልግቦ