የጨኘት ንቡረውታ የዋጂ በህረውታ
ሜልቾ ተጃፈርም ያወናን ጉዳውታ
ቁሪት ቲሸጠርወ የመገን ዳኛውታ
ፈረዝ ተኮረውታ ፉጋ ተጌዞውታ
ባሊቅ አሳተተን አቤ ቀለጠውታ
የገኝ ኢልሎላ ሽመሁታ አበጋዝ
በገኝ በቸኘ ቃር በለጌመ ፈረዝ
ቴዥበር ይሰላ ገኛፈር ተቃላ
አንገተሁ ኤከባ ዬሰቧን ቴሰላ
አቤ አብጋዞ የትላት ሽመወታ
አጠለለም ኤሰጭ ያትቤድር ገኘውታ
ያህረሙም ያሰጪ ደቦውታ በጤበን
በፈያ ተዌሻት ወሮተውታ በክናን
ባልቴት ተሻሜቴት ገሜ ተፈረዘሁ
አበጋዝ በቸኘ እንም በንቡረሁ
ዲና ተጋዘውታ ዳርም በበተከ
አበጋዝ በሠማ አንገት አመከከ
ገሜ ቲትገደር ቲቅየ አዝጋገውታ
የመሶ ጋዝ ይሀን በሠማ ኳሽታ
አቤ ባዝጋገውታ እሳትም አልፋታ
የአበሮስ ድንባጨ ቢንግሌጥወ ኡታ
ጉኒ የፈረዘሁ ወገሬት የመንተሁ
አበጋዝ ቴሰላ ሟንም ሰብ የሟነሁ
በዝቱ ገሜነትት ያብዬ ፋፈውታ
ዘንጋ ባዝጋገውታ ቢችኝ በፏረውታ
ወዝገብ አያጌርድ ይጨን ፈረዘውታ
አትም አያትማልል ቡሊ ጨልጨላውታ
ገሜ ያታግድም ( ይፌር ) የገኘውታ
ሂነሁ የቄጠወ ያቴዥ ገንገረውታ
የርጅ ቢጭነተሁ ያትሄር ገሜነተሁ
ጉርማም ኤናፍልወ ቴበንም አመደሁ
ያለቅሙ ይውጅ ወትላየሁ ትሽንታ
ተዚ ባነሠወ ጋር ቄሮ ጩጠውታ
ተጉልማሳሁ ይለሁ ትከም ባሊቀውታ
ይወሌ ይትሜና ታበጋዝ ጎቤውታ...!!
(በአወል አህመዲን)