የቅልብሻት ፈሮ ወባጀ ሞሻተሁ
ቲትኳሰስ ተሲጎ ቧረቂት ጊናተሁ
ሙሻሽም ላቅ ባረም ያለቁነ ቧቅላሁ
ዋመን ያድላውጬ ኤላወም ሳሀናሁ
የኪሰሁ ቅባጨ ዥዡት ቢጔምትወ
ቲሂር ኤደበሬ ኢንቂርፊት ቲሀንወ
አረጫት ዛፈወ ሽንጥር ሠበረወ
ጦንቆ ኬከለነም ዋነኘ ሀነወ
ጥሌል አሳደደን ቅሬሁ ያወጣኔ
መየሁ ቲሽመሽም ነፉረሁ ያጤሽኔ
ጥንቡል ተበከውታን ወፈንቸ አገደወ
እድጉት ኤገባዬ ደረሜ ባረወወ
ወቤተሁ ደረሰች ድቤም ደፋትወ
ቴሀንም ኌት አንዤ ከሹሽቴት ኤላወ
አረጅ የታጓደን ቾናም ስማተወ
ቃጮ አራመውታን ጋጃም አለበው
ዘረሁ ኤታረጤ በምሽተሁ ገባወ
አንገት ጓማ ቴብር ጊየ አረደወ
ጢሮሁ ያራክቤ ይንዝነሁ ጔናወ
በጠለማ ድየ መዝወሬ ላሀው
ግምዣዠም ቴግሟዥዥ ሂነውታ ጔናወ
ያቧች መደለቤ ያንጠኘን ቋዠው
በመንተ የልጋ ቢሌ ገሜነተሁ
ያንብር አጋ ሰጨም በወቤቲ ምሽተሁ
በእሙጥ ኢትፈጭወ ኌት አንዤ ነብስያሁ
ተበርቼ ሰላም ...
(በአወል አህመዲን)