በውዴታ የስጪ ቁናዬ የሁንም
በጓራ አብቃቅላ ማረግ ያቴዠነ
ፈረንጅ ኸም በድየ ያትውላከተነ
ባቦካቶ ካዝሚር ጥሌል የዝናነ
ማትዮስ የባካ ኧኳ ቤቴ ነነ
ቢምወትም አምወተ ሜናኹ ዝሙ ነነ
ገኘሁ ያለማዬ ተነሳም በቅረረ
ተቅየበረም አፈር ብሪንዛፍ ዚምወረ
ሁቲሽ ዋዛ አንኸን ይኺር ወሰክት
ዛየስማት መደር ሸክወተን ጄነት
ፈያ ቃር ወሰክት በዳመስ ተማሮ
ያፈር ውዶ ኤነ ያደምቅ ኧጁ ሃሮ
የፍቄ የዳመስ የሞቢል ተብርነ
የኬሮ ሙላቱ አግኖት አቴዠነ
ሰሜ ይለግድ ቃር ፎቅ አትሬሸንነ
የኬሮ ሙላቱ ወለላ ጎቤና
ሻታኸ የበትት ብዛ ትንመና
ባሸከትኽወና ዋት ተዴሰትነም ኢና
ባነም በምወተይ ፈያ ሰብ ቲዘግውጂ
የፋሲካ ልፋት ኤወጅም ኤፍወጂ
አፈር ሟኤበራ ቀብር ሟኤወስጂ
የወገራም ጭኮ አሰፋ ረዴት
ኖክ ይቡሪ ማደያ ታበናና ቤት
አትሬሸም ዘባረም ሁትም ባለሊፍት
አሴ ኩታዠራ የዋድምቅ ለፋኸም
ዜጋ ታትገፋ ሱት ቃር ሸከተኸም
ግዌታ የቀየኸ ኢናምአዴሰትኸም
አበራ ተዘይኑ ቅወሞም ኢፍት ልፍት
በረበቃ አዘር ያበሮስ ኬክ ቤት
በግብት አዘር ቦልተን የፀጋዬ ዋት ያርጉሜ ተበት
ጉኒያሽ ቡትዬ ኢዶታሽ በተት
የዚ ገኝ የለፋ የቅየጠሽ በቧሪ
ዶ/ር አወል ፊሳ ፋሲጋ ቴገፍውሪ
ባነ ሰብ በቀለ ተሟንም ኤድቡሪ
የፈያ ሰብ እንም ያነም የምወተዪ
አዝማቸሁ በቀለው ፈያ የሸከተዪ
ጎባቢተኝ ኔኹ ታቦ የትማኽወሪ
ሼሆች ሼሆች ወበር ጫት ወቃም የግፉሪ
በዋቂጥ በወቶት ልመና የዘቡሪ
ይቄጥል...
(በመልካ አምዛ)