"ልመና የዘቡሪ"- ክፍል- 9 እና የመጨረሻ ክፍል (በመልካ አምዛ)
Updated: May 2, 2020
የተብወን ገመሁ አዥም ኤገፉርኩ
ማረጋሁ ብዠው አጥሜጥ የቁርንኩ
ተህም በድገደግሁ ቃዋ ያፉለንኩ
ባቄላ ቢዘሬ ባቄላ በቀለ
ቦቆላም ቢዘሬ ቦቆላ በቀለ
ፊሳ የውልጊቾ ባብወችም ጠቀለ
በደቶ ትጨኜው ዲለሞ ቲቡር
ሰማኸም ቲኽር ወይ ገኞ ዚኸም ቃር
ሀሰን ጀቤኛዋ የለምቴ ደልባር
እምቦቾ ቂጢሳ የመሥቃን ንቡር
እምብወር በምን ቻልኸ ውርባ ዋትቀብር
የመሴሮ ገብሬ በገግቤቶ ኧግሬ
ዋይማኸ ውጋ ኧጀኝ ባፈር የኹሬ
ዲና ፈረዝ ቲጨን ሻዶ የወቅጥር
እምመሥቃን እምብወር ምኬሎ ጠቀር
ውሪበ አቦራት የተብወን ታትብር
ዶቢም ኸንኸ ጎይባን ውጣ በሰበር
የውራግ ነኖከ ጁሃር ተደልባር
ባንዲሶ ስድስት ሟምወተም በቤት
ሟ ቀብወሪም ሱት
አቲ በጎፍለላ አቲ በበር ተት
አቲ በጎማረ አንኸንወይ የምወተ
ያላሜ ቡሴራ በጎማረ ዌራ
በጋዜ ወጠቀም ቢበሮይ አመራ
ዘላላ ሽመውታን መሥቃን አትኬበረ
(በመልካ አምዛ)