ድረሁ ያነበረ ዜጎም ድቤ ጮረ
ጀበሊያ ቢቸኝ ግችም አማከረ
ግችም በሃሮተሁ አጊናናም ባደረ
ጀበል በድንባጨ ቴሰጭም ሰከረ
ግችም በወንፈለሁ እንቁሰሁ ሜጠረ
አንዘተሁ ቲቆቅስ ጌምመሁ አደረ
ንቡርም ባናሰቧት አመኛት ቤነረ
ባሊቅ ያትለቶዬ መናግ አፌጀረ
ባሊቅነት ዬበ ቁንነት ሀተረ
ያነን ያትቌቡጬ በጨኘተሁ ዦረ
በሁዌት አለመተሁ ፍርደ ገምድል ጮረ
ምን የዋጤ ቲብር ኤማራት ሀተረ
የደነውታ ፉላ ተይውድ አመረረ
በዱግዱግ ነብስያሁ ተያዥ የሼደሁ አሴረ
ፈርድም አትቌቧጠን የጥቋሸም ዦረ
አውሊያ በድቤ ቲትሟከት ባደረ
ግችም በማተውታ ቴሰጭም ሰከረ
ቶቤ ባናሰቧት ቀልበሁ ተሰበረ
ጀበል ታጭር እንጣር ተጋቻመሁ በዦረ
ቡሼ ቃር ሰላወም የስለኒ በባረ
አውሌሎ ወህነውታ ተደነሁ በሀረ
ግችም ቢትብላለቅ ጀበሊያ ቢያልቅ
ቶባ ባንቄፉና በፌልቃየሁ ይደቅ
መሶ በሜጠቀሁ በብልቃት ቲኖቅ
ባሊቅ ያናህበደ አንቄመውታንም ኤደንቅ
እንም በምርቃና ድቤየውሁ ቲያትኖቅ
በቅል ዘበን ሀነ ጓረረመሁ ቲጥርቅ
በጎፋ ቲነሽጥ ዋመን ቲድላወጥ
ቅሲውታ ቲበሆ አያነሁ ቲድነብጥ
ቶባም አሊም ቴሰል የሃድራሁ ቲትራሮጥ
የነብስመሁ ቴሂር ወምተውታኑ መጥ
ወይ አንገባ ተግዌታሁ ተነብሰሁ
ወይ አንገባ ታዛ ፈጅ ተድቤሁ
ብን ወል ሸኳተን ኌት አንዤ ጭሰኘ ነብስያሁ !!
በአወል አህመዲን ሳሊሃ
ሪያድ ሳዑዲ አረቢያ